Цемент шохой” ТӨХК-ийн ХАБЭА-н хэлтсээс хөдөлмөрийн аюулгүй байдал, эрүүл ахуйн аюул ослоос урьдчилан сэргийлэх, эрсдэлийг бууруулах ажлыг зохион байгуулах хүрээнд “Аюулгүй ажиллагаа, амьдралын баталгаа” нэг сарын аяныг зарлаж байна.

Аяны хүрээнд, Хөтөл хотын ЕБС-ийн дунд, ахлах ангийн сурагчдын дунд захидлын уралдаан, аюулгүй ажиллагааны самбар болон холбогдох мэдээллийг шинэчлэх, түгээн дэлгэрүүлэх бол “Ажлын гүйцэтгэлээр хөдөлмөрийн аюулгүй байдлыг үнэлэх журам”-ыг нийт ажилчдад таниулах, хэвшүүлэх зэрэг ажлыг зохион байгуулна. Түүнчлэн 2023 оны зургадугаар сарын 30-ныг хүртэлх хугацаанд;

• Хамгийн их аюулыг арилгасан ажилтан

• Хамгийн их эрсдэл бууруулсан хамт олон

• Хамгийн их мэдээллээр хангасан ажилтныг шалгаруулна. Иймд ХАБЭА-н хэлтсээс өгсөн заавар, зөвлөмжийг дагаж, баг, хамт олноороо аяндаа идэвх санаачилгатай оролцохыг уриалж байна. Нэмж мэдээлэхэд, “Цемент шохой” ТӨХК нь өнгөрсөн жилээс ХАБ-ын урамшуулалт 100,000 төгрөгийн шагналыг бүх 820 ажилтандаа үндсэн цалин дээр нь нэмж тооцдог болсон. Ингэснээр ажилчдын идэвх оролцоо сайжирч, аюулгүй орчинд ажиллах, осол аваарын түвшинг бууруулах хөшүүрэг болж байгаа билээ.